સિઓલ – ઉનાળાની કાળઝાળ ગરમી વચ્ચે, દક્ષિણ કોરિયામાં ખાનગી સ્ટોર્સ અને બેંકો જેવા વ્યાપારી સ્થળો જાહેર જનતા માટે કૂલિંગ સ્ટેશન તરીકે તેમના દરવાજા ખોલી રહ્યા છે.

CU સુવિધા સ્ટોર્સના સંચાલક, BGF રિટેલે 23 જુલાઈના રોજ જણાવ્યું હતું કે દેશભરમાં તેમની 18,000 થી વધુ શાખાઓ તમામ પસાર થતા લોકોને, ખાસ કરીને બાળકો, વૃદ્ધો અને ગર્ભવતી મહિલાઓને સ્ટોર્સમાં ચાલતા એસીની ઠંડક મેળવવા માટે આવકારશે. ઠંડકનો લાભ લેનારા લોકોએ કશું પણ ખરીદવાનું જરુરી રહેશે નહીં. તેઓ મુક્ત રીતે સ્ટોર્સમાં પ્રવેશીને ઠંડક માણી શકશે. દેશભરમાં CU સ્ટોર્સે આ અંગેની જાહેરાત કરતા બોર્ડ પણ મૂક્યા છે.

ગરમીના પ્રકોપ દરમિયાન ગરમી સંબંધિત બીમારીઓથી પીડિત લોકોની સંખ્યામાં વધારો થવાને કારણે આ નવીનતમ ઝુંબેશ શરૂ થઈ છે.22 જુલાઈના એક જ દિવસે, દેશભરમાં 136 લોકોને ગરમી સંબંધિત બીમારીઓને કારણે ઇમરજન્સી રૂમમાં દાખલ કરવામાં આવ્યા હતા. આ સંખ્યા અગાઉના દિવસની તુલનાએ બમણી હતી. કોરિયાની રોગ નિયંત્રણ અને નિવારણ એજન્સી અનુસાર, અત્યાર સુધીમાં, ગરમીથી 1,860 લોકો બીમાર પડ્યા છે અને નવ લોકો મૃત્યુ પામ્યા છે..

સ્થાનિક બેંકો, જે લાંબા સમયથી તેમના મજબૂત એર કન્ડીશનીંગ અને ઠંડા પાણીના ડિસ્પેન્સર્સને કારણે વાસ્તવિક ગરમી આશ્રયસ્થાનો તરીકે સેવા આપી રહી છે, તેઓ આજકાલ ઉનાળાની કારમી ગરમીથી રાહત મેળવવા માંગતા લોકોનું પણ સ્વાગત કરે છે. ફાઇનાન્સિયલ સર્વિસીસ કમિશન સાથે 2018 ના કરારના આધારે, બેંકો, મ્યુચ્યુઅલ ફાઇનાન્સ સંસ્થાઓ અને બચત બેંકોએ દેશભરમાં 5,054 સ્થળોએ પોતાની એસીની ઠંડક ધરાવતી કચેરીઓ લોકો માટે ખોલી છે. રેકોર્ડબ્રેક ગરમીના પ્રતિભાવમાં, તેઓએ તાજેતરમાં આ સંખ્યા વધારીને 14,000 થઇ છે.

આ આશ્રયસ્થાનો 30 સપ્ટેમ્બર સુધી, સરકાર દ્વારા નિયુક્ત ગરમી પ્રતિભાવ સમયગાળાના અંત સુધી દરરોજ સવારે 9 થી સાંજે 4 વાગ્યા સુધી કાર્યરત રહેશે.

તીવ્ર ગરમી સપ્તાહના અંતે ચાલુ રહેવાની ધારણા છે, 26 જુલાઈના રોજ સિઓલમાં 38 ડિગ્રી સેલ્સિયસના ઉચ્ચતમ સ્તર સુધી પહોંચવાની આગાહી છે.

કોરિયા હવામાન વિભાગના જણાવ્યા અનુસાર રાત્રિનું તાપમાન પણ 30 ડિગ્રી સેલ્સિયસની નજીક રહેવાની ધારણા છે, જે સ્તર “સુપર ટ્રોપિકલ નાઇટ” માનવામાં આવે છે.